20 май 10:10
Янгиликлар
Бокс/ММА
Хэйни Ломаченкодан 100 грамм енгил тош босди
Бизнинг вақт билан эртага тонг саҳарда АҚШнинг Невада штати Лас-Вегас шаҳрида узоқ кутилган профессионал бокс кечаси бўлиб ўтади.
MGM Grand Garden Arena мезбонлик қиладиган оқшомнинг марказий жанги учта вазн тоифасида собиқ жаҳон чемпиони, украиналик Василий Ломаченко ҳамда енгил вазнда мутлақ жаҳон чемпиони, америкалик Дэвин Хэйни ўртасида бўлиб ўтади.
Боксчилар Хэйнига тегишли WBA (Super), WBC, IBF, WBO ва The Ring камарлари учун рингга кўтарилишади. Жанг олдидан боксчилар тарозига чиқишди. Ломаченко 61,2 килограмм, унинг рақиби эса 61,1 килограмм бош босган.
Эътиборлиси, Хэйни белгиланган вазн меъёрини бажариши учун барча кийимларини ечишига тўғри келди. Дэвин 29 та жангининг барчасида ғалаба қозонган. Ҳисобида 15 та нокаутли ғалаба бор. Ломаченко эса 17 ғалаба (11 нокаут) ва 2 мағлубиятга эга.
Ҳавола :
Фикрлар