"Хико" Абдуллаевнинг рақиби ва жанг санаси маълум

Энг енгил вазнда ўзбекистонлик аралаш яккакураш устаси Ҳикматилло Абдуллаевнинг навбатдаги жанги бўйича тафсилотлар эълон қилинди.

Маълум бўлишича, Абдуллаев ҳам 4 март куни Тошкентда бўлиб ўтадиган Octagon 42 турнирида жанг қилади. Унга ўша куни қирғизистонлик Эрбол Талантбек уулу (4-1) рақиблик қилади.

Оқшомнинг марказий жангида ўзбекистонлик Достон Бозоров енгил вазнда чемпионлик камари учун қозоғистонлик Жансерик Жаксигуловга қарши октагонга кўтарилади.

Бундан ташқари, ушбу турнир доирасида Одилхон Камолов, Муҳаммаджон Қурбонов, Шоҳасан Мирзаматов ва бошқа яккакураш усталаримиз навбатдаги жангларини ўтказишади.