Хирн Жошуа Усикни қандай мағлуб этишини тушунтирди

Matchroom Boxing промоутерлик компанияси раҳбари Эдди Хирн Энтони Жошуа ва WBA, WBO, IBF йўналишларида жаҳон чемпиони, оғир вазнли Александр Усик ўртасидаги реванш ҳақида гапирди.

Британиялик промоутернинг сўзларига кўра, агар Жошуа барча кучли хислатларидан фойдаланса, ғалаба қозониш учун ҳар қандай имкониятга эга.

"Биз Жошуа ва Усик ўртасидаги жангда нима бўлишини яна бир бор кўришимиз керак. Мен Алленнинг гапларига умуман қўшилмайман. Жошуа Усик билан реваншга биринчи жангдагидек ёндошмаслиги мумкин.

Ҳаммамиз биламиз, Энтони — яхши техник маҳоратга эга, кучли боксчи. Усик — профессионал боксга яхши мослашган жуда тажрибали ҳаваскор. Унинг қўлида "козыр"лар кўп".

Менимча, Энтони Александрга шунчаки босим қилиши керак, бу тезкорлик билан ва самарали босим бўлиши керак. Энтони куч-қувватидан фойдаланишига кўра, ақлли иккинчи жангчи бўлиши керак", — деди Хирн Boxing News 24 нашрига.

Эслатма учун, биринчи жангда Жошуа ҳакамларнинг қарорига кўра Усикга ютқазиб қўйган эди. Боксчилар ўртасидаги реванш 2022 йил биринчи ярмида бўлиши кутиляпти.