12 мар 20:24
Янгиликлар
Бокс/ММА
Хирн Жошуа ва Фьюри ўртасидаги жанг шартномаси бўйича: Биз улар ҳамма ҳужжатларга имзо чекишларини кутмоқдамиз
WBА,WBО ва IBF йўналишлари чемпиони промоутери Энтони Жошуа - Тайсон Фьюри жанги бўйича музокаралар жараёни ҳақида маълумот берди.
Эддининг айтишича, Жошуа ва WBC камари соҳиби Тайсон Фьюри ўртасидаги жангга тайёргарликнинг ушбу босқичида уларнинг тарафи "лўлилар қироли"нинг барча вакилларидан шартнома имзолашини кутмоқда.
"Биз уларнинг шартномага имзо қўйишини кутмоқдамиз. Кўряпсизми, улар томонидан жуда кўп одамлар имзо чекишлари керак. Бизда бироз бошқача. Бу жараён биз кутганимиздан кўпроқ вақт талаб қилади"
Шунга қарамай, Хирннинг сўзларига кўра, ҳамма нарса келишиб олиниши керак.
"Кеча Фьюри жамоаси вакили билан гаплашдим, у шартномани 24-48 соат ичида қайтариб олишимиз мумкинлигини айтди. Кўрамиз”, - деди Эдди Хирн.
Эслатиб ўтамиз, аввалроқ промоутер Жошуа ва Фьюри ўртасидаги тўқнашув муқаррарлигини айтганди.
Ҳавола :
Манба : iSport
Фикрлар