01 апр 18:30
Янгиликлар
Хоккей
Хоккей. Арманистон ва Чехия термалари куч синашди
Апрель ойида Арманистонда бўлиб ўтадиган жаҳон чемпионатининг IV дивизиони турнирига тайёргарлик кўраётган мезбонлар чехиялик меҳмонлар билан ўртоқлик учрашувида ўзларини синаб кўришди.
Гюмри шаҳридаги “Дўстлик” боғида очиқ осмон остидаги яхмалакда арманистонликларга қарши Чехия термаси таркибида ҳаваскорлар ва фахрийлар ўйнагани эътиборга молик. Бу ҳақда sportaran.com хабар берди.
Учрашув 6:3 ҳисобида майдон эгаларининг ғалабаси билан якунланди. Голларга Сергей Худяков, Иван Иняков (уч марта), Павел Эгиазарян ва Арсен Амбарцумян муаллифлик қилишди.
Чехиянинг Арманистондаги элчиси Петр Пилунчик меҳмонлар сафида Гюмридаги дўстона муҳитда хоккей ўйнаш завқ бағишлаганини эътироф этиб, жамоадошлари ўйинга бир кун қолганда етиб келишгани боис чарчаб қолишганига қарамай, фаол ва кўтаринки кайфиятда ҳаракат қилишганини таъкидлади.
Мирзаҳаким Тўхтамирзаев
Ҳавола :
Манба : olamsport.com
Фикрлар