Холифилд Витор Белфортга қарши жанг ҳақидаги фикрлари билан ўртоқлашди

«Де ла Хойя коронавирусга чалинганда, Витор Белфорт билан жанг қилишимни сўрашди. Мен машғулот қиламан. Ёш боксчиларга айтганимдек, агар сиз буни тўғри бажарсангиз, ҳаммаси сиз учун ишлайди. Бу қоида кексалар учун ҳам қўл келади. Бокс - бу ўйин, шунинг учун мен Белфортга қарши жангга қандай тайёргарлик кўришни биламан. Ишончим комилки, агар мен унинг қоидалари бўйича жанг қилсам, муаммоларга дуч келаман. Лекин мен уни ўз йўналишимга судраб бораман, шунда у муаммога дуч келади.

Мен бошқа боксчилар билан жанглар бўйича музокаралар қилганимиз учун икки йил машғулот ўтказдим. Мен яхши спорт формасидаман ва уни йўқотмаганман. Жанг қилишни жуда соғиндим деб айтмайман, лекин одамлар ҳар доим Майк Тайсон билан бўлган жангимиз ҳақида сўрашарди. Менга шунчалик кўп пул таклиф қилишди, мен аллақачон мағлубиятга учраган одамга қарши чиқишга тайёр эдим. Менимча, мен мукаммал тартибдаман, лекин бу икки йиллик машғулотлар натижасидир», - дейди Холифилд.