13 сен 10:32
Янгиликлар

Бокс/ММА

Холмурод Нурматовнинг навбатдаги жанг санаси ва рақиби маълум, у яна ACA лигасида октагонга чиқади

Ўта енгил вазн тоифасида ўзбекистонлик аралаш яккакураш устаси Холмурод Нурматов (12-6-1)нинг навбатдаги жанг санаси эълон қилинди.

29 ёшли ҳамюртимиз ўзининг навбатдаги жангини ҳам Россиянинг ACA (Akhmat Fighting Championship) лигасида ўтказади. Бу ҳақда лига матбуот хизмати хабар берди.

Хабарда келтирилишича, Холмурод Нурматов 22 сентябрь куни Беларусь пойтахти Минск шаҳрида ташкил этиладиган ACA 163 турнирида жанг қилади. Унга россиялик Мусо Вистокадамов (9-4-0) рақиблик қилади. Ҳар икки яккакураш устаси учун бу ACA лигасидаги иккинчи жанг бўлади.

Эслатиб ўтамиз, Холмурод Нурматов сўнгги жангини 29 апрель куни афғонистонлик Абдул Карим Бадахшига қарши ўтказиб, очколар ҳисобига кўра мағлуб бўлган эди. Мусо Вистокадамов эса охирги жангини Герман Барсегьянга қарши ўтказиб, у ҳам имкониятни бой берганди.