18 ноя 09:36
Янгиликлар

Бокс/ММА

Хонободдаги бокс оқшоми олдидан иштирокчилар тарозига чиқишди + ФОТО

Хабар берганимиздек, бугун Андижон вилоятининг Хонобод шаҳрида профессионал бокс кечаси ташкил этилади.

Кеча чарм қўлқоп усталари анъанага кўра тарозидан ўтиш маросимида иштирок этишди. Барча боксчилар белгиланган вазн меъёрини бажаришди. Оқшомнинг марказий жанги мағлубият нималигини билмай келаётган Қудратилло Абдуқаҳҳоров иштирокида бўлиб ўтади.

WBC Silver чемпионлик камари соҳиби бўлган Абдуқаҳҳоров яна бир ўзбекистонлик боксчи Шерзод Алимжоновга қарши рингга кўтарилади. Ҳамюртимиз айни пайтда энг нуфузли ҳисобланган WBC йўналиши рейтингида 5-ўринни эгаллаб турибди.

Бугунги яна бир қизиқарли жанг мағлубиятсиз одимлаётган ҳамюртимиз Азизбек Абдуғофуров иштирокида кечади. У 8 раундлик жангда украиналик Евгений Махтиенкога қарши рингга чиқади. Қудратиллонинг жанги эса 10 раундга мўлжалланган.