15 сен 07:40
Янгиликлар

Бошқалар

Хоразмда картингчилар ўз маҳоратини намойиш этди + ФОТО

Урганч туманининг Чолиш қўрғонида жойлашган Хоразм вилоят Мудофаа ишлари бошқармаси ҳузуридаги чақирилувчиларни ҳарбий-техник мутахассислар бўйича тайёрлаш марказининг ўқув-машқ майдонида спортнинг картинг тури бўйича Ҳудудий чемпионат ўтказилди.

Ўзбекистон Республикаси Мудофаасига кўмаклашувчи “Ватанпарвар” ташкилоти Хоразм вилояти кенгаши тасарруфидаги вилоят техник ва амалий спорт турлари маркази томонидан ташкил этилган мазкур мусобақада воҳанинг энг сара картингчилари стартга чиқишди.

Сарҳисобларга кўра, мусобақанинг якуний натижаси қуйидагича кўриниш олди:

Двигатель сиғими 61,5 см³ бўлган картинг биринчилиги (10-13 ёшлилар)

1-ўрин. Акмал Илҳомов (Шовот тумани ЎСТК).

2-ўрин. Зафарбек Отажонов (Питнак ЎСТК).

3-ўрин. Ҳуснорабегим Шерипова ( Янгиариқ тумани ЎСТК).

Двигатель сиғими 125 см³ бўлган картинг биринчилиги (14-17 ёшлилар).

1-ўрин. Тимур Патиллаев (Хоразм ВТАСТ маркази).

2-ўрин. Аброр Эркинов (Шовот тумани ЎСТК).

3-ўрин. Йўлдошбой Раҳимов (Ҳазорасп тумани ЎСТК).

Двигатель сиғими 250 см³ бўлган картинг биринчилиги (18 ёш ва ундан катталар)

1-ўрин. Евгений Жуманиязоа (Хоразм ВТАСТ маркази).

2-ўрин. Улуғбек Бекниязов (Шовот тумани ЎСТК).

3-ўрин. Қадамбой Рўзметов (Ҳазорасп тумани ЎСТК).

Умумжамоа ҳисобида Шовот тумани ўқув спорт техника клуби жамоасининг ёш картингчилари зафар қучишди. Хоразм ВТАСТ марказининг иккинчи ўринни, Ҳазорасп тумани ЎСТК жамоаси учинчи ўринни банд этди.

Ғолиб ва совриндорлар мусобақа ташкилотчиси - Ўзбекистон Республикаси Мудофаасига кўмаклашувчи “Ватанпарвар” ташкилоти Хоразм вилоят техник ва амалий спорт турлари маркази томонидан диплом ва совғалар билан тақдирланди.