15 июн 15:19
Янгиликлар

Бокс/ММА

Хорхе Масвидаль: Дэна Уайтга ачинаман

Америкалик аралаш жанг устаси Хорхе Масвидаль UFC президенти Дэна Уайтнинг сўзларига муносабат билдирди.

Хорхе ва Дэна ўртасида гонорар масаласида муаммо юзага келган ва бу ҳолат низога айланиб кетганди. Уайт ўз сўзида Масвидалга жанг керак бўлса, менга қўнғироқ қилсин деб айтганди.

"Дэнага ачиняпман. Ҳа, бизнинг амалдаги шартномамиз бор. Лекин у молиявий масалаларда ўз сўзида турмаяпти. Уайт жанг санаси эълон қилинишидан бир кун олдин менга қўнғироқ қилиб, таклиф этилаётган шартларга рози бўлишимни ёки келишувни унутишимни айтди. Бу музокара эмасди. Нэйт Диас билан жангимга кўпроқ пул тўлашди. Қолган 6 та жангга эса йўқ! Мен ҳар доим музокараларга тайёр бўлганман. Гап ҳозир чемпионлик жанги ҳақида кетмоқда", — деди Масвидаль "Твиттер"даги саҳифасида.