Хотамбек Бойназаров Стрикленд билан жанг олдидан Хамзат Чимаевга ёрдам бериши мумкин эди, аммо...

У океан ортида БАА вакили, ўрта вазн тоифасида UFC чемпиони Хамзат Чимаевнинг йиғинида қатнашиши керак эди, бироқ виза билан боғлиқ муаммо сабаб Хотамбек АҚШга бора олмади.

"Мен Хамзат Чимаевнинг Шон Стрикленд билан жанги учун АҚШда ташкил этилган машғулотлар йиғинига чақирилган эдим, лекин виза чиқмагани учун боролмадим. У ерга Ҳусан Мажлимов кетди. Шон Стрикленд билан зўр жанг бўлади. Биз албатта Хамзат Чимаев ютиши учун дуо қиламиз. Тўғри, Шоннинг кураши ҳам яхши, лекин барибир Хамзат даражасида эмас. Чимаев 93 кг вазнда (ярим оғир вазн тоифаси) ҳам бемалол чемпион бўла олади. Яқинда Иржи Прохазкани ютган Карлос Улбергни ҳам у бемалол мағлуб эта олади. Унинг вазни ўзи 100 кг атрофида юради. Агар вазнини яна бироз кўтариб, 105 кг қилиб олса ва кейин 93 кгга ташласа, кучи бемалол етади. Бўйи ҳам баланд, имкониятлари жуда юқори", дейди Бойназаров.

Маълумот учун, Хотамбек Бойназаров Хамзат Чимаевнинг Дубай ва Чеченистондаги йиғинларида спарринг ҳамроҳ сифатида қатнашиб келади.