Хотамбек Бойназаров UFC'да Хоакин Бакли билан жанг қилиш ҳақида гапирди

"Бакли билан жанг қилиш учун UFC'да бир нечта жанг ўтказишим керак бўлади, чунки у кучли ўнликда. Биринчи жангимданоқ уни рақиб сифатида менга беришмайди. Лекин ҳамма билан жанг қилса бўлади, тайёргарлик яхши бўлса бўлди. Баклини "кучли" дейишади, лекин Камару Усман уни ютганку? Камару Усманни эса Хамзат мағлуб этган. Нурсултон Рўзибоев билан жанги ҳақида гапирадиган бўлсам, Нурсултон ака ўрта вазнда зўр кетяпти. Менимча, шу вазнда жанг қилгани маъқул. Бакли билан ярим ўрта вазнга тушиш учун кўп вазн ташлаган эди, бу эса барибир қувватни кетказади. Тайёргарликка ҳам таъсир қилади. Қисқа вақт ичида Хоакин Баклидек топ жангчи билан беллашиш катта таваккал эди", дейди Бойназаров.