Хуршид Тожибоев бир неча кундан сўнг навбатдаги жангини ўтказади + ФОТО

Боксчимиз Olamsport.com сайти мухбири билан суҳбатда навбатдаги жанги 20 август куни Дубай шаҳрида ўтказилишини маълум қилди. 

Унга ўша куни грузиялик Ачико Одикадзе рақиблик қилади. 

Маълумот учун, Тожибоев шу кунгача проф рингда 4 та жанг ўтказишга улгурган ва уларнинг барчасида ғалаба қозонган. Жангларининг иккитасида у рақибларини муддатидан олдин мағлуб этган. Одикадзе эса проф рингда 40 маротаба жанг олиб борган. У жангларининг 22 тасида ғалаба қозонган (8 та нокаут). 17 марта эса мағлуб бўлган (11 та нокаут). 1 маротаба дуранг қайд этган. 

Боксчимиз 17 август куни Дубайга жўнаб кетади. 

Olamsport.com сайти олдиндаги жангда Хуршид Тожибоевга омад тилайди.