18 фев 19:02
Янгиликлар
Футбол
Хвича Анрининг антирекордини такрорлади! ПСЖ эса Монакода ғалаба қозонди
ЕЧЛнинг ўтиш босқичи доирасида кечган «Монако» — ПСЖ (2:3) учрашуви парижликларнинг ғалабаси билан якунланган бўлса-да, жамоа юлдузи Хвича Кварацхелия учун омадсиз кечди.
Нишонга тегмаган зарбалар:
«Opta Sports» хабарига кўра, грузиялик вингер мазкур ўйинда рақиб дарвозаси томон 8 бор зарба йўллади. Бироқ уларнинг бирортаси дарвоза соҳасига аниқ бормади. Бу ЕЧЛ тарихидаги антирекорднинг такрорланишидир. Бунгача афсонавий Тьерри Анри икки бор (2004 йил «Челси» ва 2006 йил ЦСКАга қарши) шундай кўрсаткич қайд этган эди.
Ўйин тафсилотлари:
Дуэнинг дубли ва Ашраф Хакимининг голи парижликларга сафарда муҳим ғалабани тақдим этди.
Монаколиклар сафида эса Александр Головин 48-дақиқада майдондан четлатилди.
Кейинги бекат — Париж:
Энди жамоалар 25 февраль куни Парижда жавоб ўйинини ўтказишади. Хвича ўша баҳсда ўзининг "кўз теккан" зарбаларини тўғирлаб олишига мухлислар умид қилмоқда.
Ҳавола :
Манба : Opta Sports
Фикрлар