Якуний АТР турнири. Александр Зверевда илк ғалаба

Дунёнинг еттинчи ракеткаси бўлиб турган Александр Зверев мусобақалаги илк ғалабасига эришди. Германиялик теннисчи рейтингнинг 9-поғонасидан жой олган аргентиналик Диего Шварцманни мағлуиятга учратди - 6/3, 4/6, 6/3.

Бу Шварцманнинг иккинчи мағлубияти бўлди ва у энди ярим финалга чиқа олмайди. Икки соату 11 дақиқа давом этган баҳсда 23 ёшли Александр 10 та эйс зарбани амалга оширди. Ўзаро учрашувлардаги ҳисоб мувозанати тикланди - 2:2.