08 сен 13:42
Янгиликлар
Футбол
Ямаль Туркияда паспортини йўқотди
Испания терма жамоаси ва "Барселона" вингери Ламин Ямаль Туркияни тарк этишдан олдин паспортини топа олмади.
Бу ҳақда "Beyaz Futbol" хабар берди.
Якшанба куни Испания терма жамоаси 2026 йилги Жаҳон чемпионати саралаш босқичи доирасида Туркия терма жамоасини 6:0 ҳисобида мағлуб этди, Ямаль иккита голли узатмани амалга оширди.
18 ёшли ҳужумкор ярим ҳимоячи кийим алмаштириш хонасида ҳужжатини узоқ вақт қидирди, аммо барибир тополмади. Юлдуз футболчи ҳозирги шароитда ватанига қандай қайтиши ҳозирча номаълум.
Шунингдек, ҳужжат жамоа автобусида ёки аэропортдан меҳмонхонага жўнаш вақтида йўқолган бўлиши мумкинлиги айтилмоқда.
Ямаль Испания Ла Лигасининг жорий мавсумида 3 ўйинда майдонга тушиб, "гол+пас" тизимида 2+3 очко йиғди.
Ҳавола :
Манба : Beyaz Futbol
Фикрлар