Яна бир вазир Спорт федерациясига раис этиб сайланди

Бугун Ўзбекистон оғир атлетика федерациянинг навбатдан ташқари ҳисобот-сайлов конференцияси бўлиб ўтди. Унда федерациянинг раҳбарияти таркиби қайтадан шакллантириб олинди. 

Даставвал, Спорт вазирининг ўринбосари, мамлакат оғир атлетика федерацияси раисининг биринчи ўринбосари Шаҳрулло Маҳмудов 2024 йил мобайнида амалга оширилган ишлар бўйича ҳисобот бериб, Лос-Анжелес-2028 ёзги Олимпия ўйинларига тайёргарлик режаси ҳақида тўхталиб ўтди. Шундан сўнг кун тартибидан ўрин олган бошқа масалалар кўриб чиқилди.

Федерация Ижроия қўмитаси томонидан ташкилот раислигига Ўзбекистон Республикаси Қурилиш ва уй-жой коммунал хўжалиги вазири Хидоятов Шерзод Саиджанович номзоди илгари сурилди. Йиғилиш иштирокчилари номзодни бир овоздан қўллаб-қувватлашди ва Ш.Хидоятов Ўзбекистон оғир атлетика федерацияси раиси этиб сайланди. 

Федерация раҳбариятининг қолган таркиби қуйидагича кўриниш олди:

Раиснинг биринчи ўринбосари: Маҳмудов Шаҳрулло Шарипович;
Раис ўринбосари: Иноятов Мираббос Миркомилович;
Раис ўринбосари: Расулов Рустам Абиджанович;
Раис ўринбосари: Холмирзаев Рахмон Донабаевич;
Бош котиб: Маҳмудов Олимжон Шарафутдинович.