21 окт 18:07
Янгиликлар
Теннис
Яна икки теннис маликаси Якуний WTA турниридаги иштирокини кафолатлади
АҚШнинг Техас штати Форт-Уэрт шаҳри мезбонлигида ўтказиладиган Якуний WTA турниридаги иштирокини кафолатлаган теннис маликалари сони яна икки нафарга кўпайди.
Дунёнинг 11-ракеткаси, россиялик Дарья Касаткина ҳамда беларуслик Арина Соболенко Форт-Уэртга борадиган бўлди. Бу икки теннисчига қадар Иге Свёнтек, Онс Жабер, Жессика Пегула, Кори Гофф ва Каролин Гарсия ҳам ушбу вазифани уддалашганди.
Номлари тилга олинган теннис маликалари кейинги натижалардан қатъий назар талаб даржасидаги рейтинг ўринларидан пастга тушиб кетишмайди. Аксинча, беларуслик Виктория Азаренкога ютқазиб қўйган америкалик Мэдисон Киз Техасга бориш имкониятидан маҳрум бўлди.
Сўнгги саккизинчи йўлланма соҳибаси россиялик Вероника Кудерметова ва грециялик Мария Саккари учрашувидан сўнг маълум бўлди. Бу икки теннис маликаси Guadalajara Open Akron турнирининг 1/4 финалида ўзаро тўқнаш келишади.
Ҳавола :
Манба : gotennis
Фикрлар