Яна Куницкая Пеннингтонга қарши октагонга чиқмоқчи

Куницкая чемпионлик учун собиқ даъвогар Ракель Пеннингтонга қарши октагонга чиқиш истагида эканлигини маълум қилди.

"Рейтингда ўзимдан юқорида турган исталган рақиб билан жанг қилишга тайёрман. Ракель Пеннингтон мен каби сўнгги жангида ғалаба қозонди. Айнан у билан жанг ўтказиш мен учун қизиқарли бўларди. Қачон ва қаерда? Коронавирус пандемияси сабаб кўп нарсалар ўзгариб кетди. Ҳозир биринчи галда шахсий муаммоларимни ҳал қилиб олишим керак. Кейин жанг ҳақида ўйласам бўлади", — деди Куницкая .

Эслатиб ўтамиз, кеча Яна Куницкая Лас-Вегасда ўтказилган UFC оқшомида Юлия Столяренкони мағлубиятга учратган эди.