16 июн 14:54
Янгиликлар

Бокс/ММА

Яна Куницкая UFC билан навбатдаги жанги учун шартнома имзолади + ФОТО

Россиялик UFC жангчиси Яна Куницкая маълум танаффусдан сўнг октагонга қайтмоқда.

Яна навбатдаги жанги учун шартнома имзолади. Бу ҳақида унинг ўзи "Инстаграм"даги саҳифасида хабар берди. Лекин Куницкая рақиби ким бўлишини очиқламаган.

"Топиб кўрингчи, рақибим ким бўлар экан?" — дея сурат остида изоҳ қолдирган Яна.

Маълумот учун, 30 ёшли Яна Куницкая 2009 йили аралаш жанг қоидаларида дебют қилган. Унинг ҳисобида 12 та ғалаба ва 5 мағлубият бор. Яна бир жанг ўтказилмаган дея топилган. У таэквондо, муайтай, грэпплинг бўйича Россия чемпиони, ММА BUSHIDO FC промоушенида жаҳон чемпиони, қўл жанги, кикбоксинг ва таэквондо бўйича бир неча халқаро турнирлар ғолиб ва совриндори ҳисобланади.