«Янги Ўзбекистон – янгича дунёқараш!» ғояси остидаги тарғибот тадбирлари Қаршида ҳам ташкил этилди

Бу борада айниқса, турли спорт мусобақалари ҳамда спортчиларнинг чиқишлари тарғибот тадбирларининг ўзига хос безаги бўлмоқда.

Жумладан, тумандаги Маданият маркази, туман болалар-ўсмирлар спорт мактаби ҳамда маҳаллаларда ўтказилган тарғибот тадбирлари халқимизнинг кайфиятини янада кўтарди.

Мазкур тадбирда Ўзбекистон Республикаси Президентининг ташкилий масалалар ва кадрлар бўйича Давлат маслаҳатчиси ўринбосари Қаҳрамон Қуранбоев, Ўзбекистон ёшлар ишлари агентлиги директори Алишер Саъдуллаев, Қарши тумани ҳокими Мақсуда Мустафоева ҳамда вилоят жисмоний тарбия ва спорт бошқармаси бошлиғи в.в.б. Зафаржон Мамадалиев ва бошқа мутасадди раҳбарлар иштирок этишди.

Тадбирда спортнинг стол тенниси, дзюдо, бокс, волейбол, шахмат, таэквондо ва миллий спорт ўйинларидан тош кўтариш ҳамда арқон тортиш турлари бўйича мусобақалар ташкил этилди. Шунингдек, раҳбарлар спорт мактабида ёшлар учун яратилган шарт-шароитлар билан ҳам яқиндан танишиб, бу ердаги тўгараклар фаолиятини кўздан кечиришди.

Юқори савияда ташкил этилган мусобақалар сўнгида ғолиб ва совриндорлар ҳамда фаол иштирок этган ёшлар ташкилотчилар томонидан эсдалик совғалари билан тақдирланишди.