16 дек 10:53
Янгиликлар

Бокс/ММА

Янги юлдуз Оливейра UFC рейтингида Конор ва Фергюсонни ортда қолдирди

Лас-Вегас (Невада штати, АҚШ) шахрида ўтган UFC 256 турниридан сўнг UFC промоушени рейтингида бир қатор ўзгаришлар рўй берди.

Ушбу ўзгаришлардан энг аҳамиятлиси енгил вазн тоифаси рейтингида кузатилди. Бразилиялик Чарльз Оливейра якшанба тонгидаги ажойиб ғалабасидан сўнг рейтингда тўрт поғонага юқорилаб, кучли учликка кириб олди. Ундан аввалги ўринларни Дастин Порье ва Жастин Гэтжи банд этган. Дивизион чемпиони сифатида Хабиб Нурмагомедов ҳаммадан юқорида жойлашган.

Енгил вазннинг янги юлдузига айланаётган Чарльз рейтингда Тони Фергюсон ва Конор Макгрегорни ортда қолдиришга муваффақ бўлди. Оливейра якшанба тонгида ўтказилган UFC 256 турнирининг марказий жангида Тони Фергюсонни катта фарқ билан мағлубиятга учратган эди. Тони янги рейтингида 4, Конор эса 5-ўриндан жой олган.