15 мар 09:37
Янгиликлар

Велоспорт

Янина Кускова "Trofeo Ponente in Rosa" турнирида порлади

Италияда велошоссе бўйича "Trofeo Ponente in Rosa" кўпкунлик пойгаси ниҳоясига етди.

Қайд этиш жоиз, мазкур мусобақа Ўзбекистон терма жамаси аъзоси Янина Кускова учун муваффақиятли ўтди.

Якунловчи бешинчи босқичда Кускова учинчи бўлиб марра чизиғини кесиб ўтди. Бу натижа орқали спортчимиз мусобақани умумий ҳисобда иккинчи ўринда якунлади. Янина бу борада фақатгина моунтинбайк йўналишидаги Токио-2020 Олимпиадаси чемпиони швейцариялик Ёланда Неффдан ортда қолди холос.

Шунингдек, Кускова мусобақанинг “Энг яхши ёш пойгачиси” йўналишида ғалаба қозонди. Қўшимчасига, у Париж-2024 Олимпиадаси йўлланмаси учун қимматли рейтинг очколарини ҳам ўз ҳисобига ёзиб қўйди.