Яннинг менежери Стерлингга ғалаба келтириши мумкин бўлган ягона имконни айтди

"Стерлингга спортчи сифатида ҳеч қанақасига кам баҳо бериб бўлмайди. Бу гап-сўзлар ва масхарабозлик ортида у тажрибали ва хавф туғдира оладиган жангчи бўлиб қолаверади. Нима бўлганда ҳам унга паст баҳо бермаслик керак.

Агар Пётр у билан жангда ҳиссиётга берилса ва унга паст баҳо берса, бу Стерлингнинг ғолиб бўлиш учун ягона имконияти бўлади. Агар, Пётр совуққон бўлса, ўз ишини совуққонлик билан бажарса, унда Стерлингда ҳеч қандай имконият бўлмайди. Табиийки, Стерлинг бунга умид қилмоқда, у Пётрни мувозанатдан чиқаришга ҳаракат қилади, аммо лагерда, жамоада, ҳар қандай ҳолатда ҳам Стерлингни паст баҳолаб бўлмайди".

Шу билан бирга Абдурахманов америкалик спортчи боксда сўнгги бир йил ичида Яннинг даражасига чиқа олганига ишонмаслигини айтди.

"Стерлинг бутун умрини боксга сарфлаши мумкин, лекин у Пётрнинг даражасида эмас. Шундай экан, у ўзининг кучли томонлари устида ишлайвергани маъқул. Шунда, ўзи учун яхшироқ бўлади", — деб айтиб ўтган Абдурахманов ўз интервьюсида.

Эслатиб ўтамиз, енгил вазн тоифасида Пётр Ян ва Алжемейн Стерлинг ўртасидаги чемпионлик жанги 9 апрель санасида, Жексонвилдаги UFC 273 турнири доирасида бўлиб ўтади.