02 дек 09:51
Янгиликлар

Футбол

Япония мундиалда ўзгача рекорд ўрнатди

ЖЧ-2022 гуруҳ босқичи охирги турида Япония терма сенсацион тарзда мусобақа фаворитини Испанияни 2:1 ҳисобида мағлуб этди.

“Кунчиқар юрт” вакиллари ўйин давомида тўпга атиги 17,7 фоиз эгалик қилиб, ғалабани қўлга киритди. Бу мундиалнинг мутлақ рекорди ҳисобланади. Авваллари ҳеч қайси жамоа тўп назорати бўйича бунча катта фарқ билан ортда бориб, рақибни мағлуб этолмаганди.

Эслатиб ўтамиз, Япония 1-ўрин билан, Испания эса 2-ўрин билан кейинги босқичга йўл олди. Осиё вакилларига 1/8 финалда Хорватия, “Қизил Фурия”га эса Марокаш рақиблик қилади.