Яхши хабар: Достон Бозоров UFC'га йўлланма берувчи Дана Уайтнинг Даъвогарлар сериясида қатнашиши кутилмоқда

Мазкур турнирлар давомида ғалаба қозониб, ўзини кўрсатган жангчиларга UFC эшиклари очилади. Аҳамиятлиси, Сериянинг бу йилги мусобақаларида ҳам юртдошимиз октагонга кўтариладиган бўлди. 

Маълум қилинишича, енгил вазн тоифасида Octagon League собиқ чемпиони Достон Бозоров Дана Уайт Даъвогарлар сериясининг 2026 йилги мусобақаларида иштирок этади. У ҳозирча дастлабки рўйхатларда қайд этилмади.

Бироқ Бозоров яқиндагина АҚШдаги менежерлик компанияси билан шартнома имзолаб, тез орада мухлисларига катта янгиликни эълон қилишини айтганди. Сериянинг бу йилги турнирлари 11 август куни бошланади ва 13 октябрь куни ниҳоясига етади.

Маълумот учун, Дана Уайт даъвогарлар сериясида турли йилларда Анвар Бойназаров, Азамат Нуфтиллаев каби ҳамюртларимиз иштирок этиб, мағлуб бўлишган.