01 май 19:14
Янгиликлар

Бокс/ММА

Яхши янгилик: Муроджон Аҳмадалиев — Наоя Иноуэ жанги бўйича музокаралар муваффақиятли якунланди

Бу ҳақда ўзбекистонлик чарм-қўлқоп устаси ҳамкорлик қиладиган Matchroom Boxing промоутерлик компанияси раҳбари Эдди Хирн маълум қилди.

Хирн Instagram саҳифасига жойлаган постида "Ниҳоят келишувга эришилди. Uzbek Power Монстерга қарши. Дивизиондаги энг яхши жанг", деб ёзди.

The Ring нашрининг маълум қилишича, чемпионлик беллашуви 14 сентябрь куни Токио шаҳрида ўтказилиши кутилмоқда.

Маълумот ўрнида, Иноуэ 4 май куни Лас-Вегасда америкалик Рамон Карденасга қарши рингга кўтарилади. Шу ойнинг ўзида ҳамюртимиз Муроджон Аҳмадалиев ҳам рингга қайтиши кутиляпти.