15 окт 07:53
Янгиликлар
Йилнинг сўнгги рақамли UFC турнирида яна бир собиқ чемпион жанг ўтказади + ПОСТЕР
Энг енгил вазн тоифасида промоушеннинг собиқ чемпиони мексикалик Брэндон Морено 7 декабрь тонгида АҚШнинг Лас-Вегас шаҳрида ўтказиладиган UFC 323 турнирида япониялик Тацуро Тайрага қарши октагонга чиқади. Ушбу жанг расман промоушен томонидан эълон қилинди.
Маълумот учун, 31 ёшли Брэндон Морено иккита ғалабали серия билан келмоқда. У Амир Албази ва Стив Эрцегни ҳакамларнинг якдил қарори билан очколар ҳисобига кўра мағлубиятга учратган. 25 яшар Тацуро Тайра эса август ойида кореялик Юн Сун Паркни иккинчи раундда мағлуб этган эди. Ундан аввалги жангида эса ҳакамларнинг айри қарори билан Брэндон Ройвалга имкониятни бой бериб қўйганди. Бу унинг фаолиятидаги илк мағлубият эди.
Таққослаш учун, айни пайтда Брэндон Морено дивизион рейтингида иккинчи, Тацуро Тайра эса бешинчи ўринни эгаллаб турибди.
Фикрлар