Йилнинг сўнгги UFC турнири: UFC Fight Night 199 учун ПРЕВЬЮ

Кечанинг марказий жангида супер оғир вазн тоифаси жангчилари, сўнгги жангида чемпионликка асосий даъвогар Сирил Ганга имкониятни бой бериб қўйган Деррирк Льюис ҳамда дивизион рейтингида 7-ўринни эгаллаб турган Крис Даукас октагонга кўтарилади. Деррик Люис хабарингиз бўлса бир вақтлар ҳозирда тоифа қироли ҳисобланган Френсис Нганнуни мағлуб этган. Крис Даукас эса доғистонлик Шамиль Абдураҳимов устидан ғалаба қозонган. Ушбу жангдан сўнг ҳар икки спортчи ҳам рейтингини яхшилаб олиш имкониятига эга. 

Ушбу оқшомда шунингдек, яримўрта вазн тоифаси вакиллари Стивен Томпсон ва Билол Муҳаммад ҳам ўзаро куч синашишади. Стивен Томпсон Гильберт Бёрнсга ютқизиб қўйганидан сўнг дивизия рейтингидаги ўрнини бироз йўқотиб қўйди. Якшанба тонгида ғалабага эришса, яна топлар қаторига кириш имкониятига эга бўлади. Билол Муҳаммад эса кетма-кет 5 жангда ғалаба қозонди ва бир жанги натижаси бекор қилинди. Айнан ўша баҳс ким билан эканлигини биласизми? Унинг рақиби ҳозирда чемпионликка асосий даъвогар Леон Эдвардс эди. Билол ҳам секин-аста топлар қаторига кирмоқда. Агар кутилаетган баҳсда ғалаба қозонса, унга топ-5 даги рақиблар рўбаро келиши мумкин.

Хафта сўнгида бизни мана шундай қизиқарли жанглар кутмоқда. Турнир натижаларини эса Olamsport.com сайтида кузатиб боринг.

Акмал Эшбоев тайёрлади