10 дек 11:17
Янгиликлар

Бокс/ММА

Йоанна Енжейчик: Ронда Роузининг рекордини янгиладим

Аралаш қоидалар бўйича енгил вазн тоифасида собиқ UFC чемпиони Йоанна Енжейчик қирғизистонлик Валентина Шевченкодан қабул қилинган мағлубият ҳақида фикр билдирди.

Польшалик спортчи Канадада ўтган UFC 231 турнири доирасида жаҳон чемпионлик камари учун кечган баҳсда очколар ҳисобига кўра имкониятни бой бериб қўйган эди.

- Ўйлашимча, фаолиятимдаги энг кучли рақиба билан тўқнаш келдим. Тан оламан, Валентина менга нисбатан жисмоний тайёргарлиги яхшироқ экан. Қарши ҳужумларда яхши кутиб олди. Яхши тейкдаунларга эга бўлди. Октагонда ақл билан ҳаракат қилди.

Мағлубиятга учраганимга қарамай, ўтказган жангимдан қониқиш ҳосил қилдим. Чемпионлик камарлари учун кечган жанглар сони бўйича Ронда Роузининг рекордини янгиладим. Эндиги режалар қандай? UFC президенти Дана Уайт ва мураббийларим билан маслаҳатлашиб олганимиздан сўнг ўз режаларимни ошкор қиламан. Етти ой АҚШда бўлдим, ҳозир Польшага қайтмоқчиман, - деди Енжейчик.