13 авг 15:56
Янгиликлар

Футбол

Йоахим Лёв Ўзбекистон терма жамоаси таклифига жавоб берди

Германиялик Жаҳон чемпионининг Ўзбекистон терма жамоасида ишлаши ҳақида хабарлар тарқаганди.

Дунёга машҳур Bild нашрига кўра, Йоахим Лёв Ўзбекистон футбол Ассоциацияси вакиллари билан Берлиндаги Ўзбекистон элчихонаси ёрдамида онлайн музокара ўтказган. Лёв бу таклиф устида бир неча кун жиддий ўйланган ва якунда "мулойимлик" билан рад жавобини берган.

Эслатиб ўтамиз, 65 ёшли мутахассис 2014 йил Германия терма жамоасини Жаҳон чемпиони қилган ва ўша йили ФИФА томонидан дунёнинг энг яхши мураббийи деб топилган. Лёв 2021 йилнинг март ойида Германия терма жамоаси бошқарувидан кетган ва ўшандан бери ҳеч қаерда ишламаган.