18 июн 11:53
Янгиликлар

Бокс/ММА

Йоэль Ромеронинг кейинги рақиби ким бўлиши маълум қилинди

UFC чемпионлик камарига собиқ даъвогар Йоэль Ромеро навбатдаги жангини америкалик Юрай Холлга қарши ўтказиши мумкин.

Бу ҳақида журналист Ариэл Хелвани ўзининг "Тwitter" саҳифасида маълум қилди. Хелванининг айтишича, ҳали шартнома имзоланмаган, лекин иккала томон ҳам жангга ўз розилигини берган. Бу турнир август ойида бўлиб ўтиши мумкин.

Йоэль UFCдаги охирги учта жангида мағлуб бўлган. Март ойида Исраэль Адесаньяга қарши кечган жангида ҳакамлар қарори билан мағлубиятга учраган. Ромеро умумий ҳисобда 18 жангдан 13 тасида ғолиб бўлган.

Холл эса аксинча, охирги иккита жангида ғалаба қозонган. У ММАда жами 24 та жангда қатнашиб, уларнинг 15 тасида зафар қучган.