Ёш футболчилар Абдулла Орипов номидаги ижод мактабида бўлишди + ФОТО

Хусусан, Қашқадарё вилоят футбол маҳорат мактаби ўқувчилари иштирокида Қарши шаҳридаги Абдулла Орипов номидаги ижод мактабида ҳам тадбир ташкил этилди.

Спортчи-ўқувчилар Ўзбекистон Республикаси Давлат мадҳияси матни муаллифи, атоқли халқ шоири Абдулла Орипов ҳаёти ва ижоди, айнан давлатимиз мадҳиясининг яратилиши тарихи билан яқиндан танишар экан, мадҳия – фахр ва ғуруримиз, ифтихоримиз эканлиги, у шу она Ватанга бўлган ҳис-туйғуларни жўш урдириб, эзгулик сари интилиш, миллий ғурурни оширишга хизмат қилишини яна бир бор қалбан ҳис этишди.

Тадбир доирасида спортчи-ўқувчилар ҳам Давлатимиз мадҳиясининг қабул қилинишига оид тарихи, унинг муаллифи А. Орипов ҳамда бастакори Мутал Бурҳонов ҳаёти ва ижод йўли, мадҳиямизнинг мазмун моҳияти ҳақида ғурур билан гапириб беришди.

Шавкат РЎЗИЕВ, Қашқадарё вилоят футбол маҳорат мактабининг маънавият-маърифат ишлари бўйича директор ўринбосари