Ёш курашчиларимиз Осиё чемпионатида 12 та медаль олишди + совриндорлар рўйхати

Мусобақани эркин курашчилар баҳси якунлаб берди. Қитъа биринчилигининг сўнгги кунида ҳам йигитларимизнинг муваффақиятли иштироки давом этди. 61 ва 92 килограммгача бўлган вазн тоифаларида гиламга чиққан полвонларимиз Нодир Раҳимов ҳамда Ажинияз Сапарниязов финалгача бўлган йўлни муваффақиятли босиб ўтишди. 

Бироқ ҳал қилувчи беллашувда иккалалари ҳам эронлик рақибларига имкониятни бой бериб қўйишди.

Шу тариқа эркин курашчиларимиз Осиё чемпионатини 2 тадан кумуш ва бронза медаллари билан якунлашди. Умумий ҳисобда эса делегациямиз 1 та олтин, 6 та кумуш ва 5 та бронза медалларини жамғаришди.

Осиё чемпионатида қуйидаги спортчиларимиз шоҳсупага кўтарилишди:

Юнон-рум кураши:

-60 кг: Муҳаммадқодир Юсупов (олтин)

-55 кг: Ихтиёр Ботиров (кумуш)

-72 кг: Алижон Ҳусейнов (кумуш)

-67 кг: Умиджон Аҳроров (бронза)

-77 кг: Дилшод Омонгелдиев (бронза)

Аёллар кураши:

-72 кг: Светлана Оқназарова (кумуш)

-76 кг: Шаҳрибону Эллиева (кумуш)

-62 кг: Арухан Жумабаева (бронза)

Эркин кураш:

-61 кг: Нодир Раҳимов (кумуш)

-92 кг: Ажинияз Сапарниязов (кумуш)

-65 кг: Бобур Исломов (бронза)

-70 кг Миркамол Бешимов (бронза)