Ёшларимиз Чехия ва Венгрияда ўтказиладиган Европа Кубокларига жўнаб кетишди + ФОТО

Аввалига 5-6 июль кунлари Чехия пойтахти Прага шаҳрида Junior European Cup 2025 мусобақаси бўлиб ўтади. Ушбу Европа очиқ чемпионати якунланганидан сўнг Чехиянинг Нимбурк шаҳрида халқаро ўқув-машғулот йиғини ташкил этилади. Унда ёшларимиз ҳам иштирок этишади. 

Шундан сўнг, Ўзбекистон ёшлар терма жамоаси 12-13 июль кунлари Венгриянинг Пакш шаҳрида ўтказиладиган Junior European Cup 2025 турнирида юртимиз шарафини ҳимоя қиладилар. 

Терма жамоамиз делегацияси ҳар икки турнир ҳамда халқаро ўқув-машғулот йиғинида иштирок этиш мақсадида Европа қитъасига жўнаб кетди. 

Сафар олдидан Ўзбекистон дзюдо федерацияси раиси Азизжон Камилов терма жамоамиз аъзолари билан учрашди ва уларга дунёнинг турли кучли дзюдо мактаби вакиллари иштирокида ўтадиган нуфузли мусобақаларда ғалаба ёр бўлишини тилади. 

Маълумот учун, Чехия турнирида 4 қитъанинг 32, Венгрия мусобақасида эса 5 қитъанинг 39 давлатидан келадиган жами 1000 нафарга яқин дзюдочилар медаллар учун татамига чиқади.