Юэ Юань Сеул турнирининг иккинчи финалчиси

Хитойлик теннисчи уч сет давом этган ярим финал баҳсида дунёнинг 116-ракеткаси, америкалик Эмина Бекташни мағлубиятга учратди - 6/7(3), 6/4, 6/2. Юань бу ғалабаси билан ўзаро учрашувлардаги ҳисоб мувозанатини ҳам тиклади - 1:1.

Роппа-роса икки ярим соат давом этган баҳсда Юэ Юань 8, Бекташ 6 та эйс зарбасини амалга оширган. Қўшхатолар Эминада кўпроқ бўлди - 2 га 1. Брейклар эса 4 га 1 кўринишида Юэ фойдасига бўлди. Энди Чин юрти вакиласи бош соврин учун бошқа бир америкалик теннисчи, дунёнинг тўртинчи ракеткаси Жессика Пегулага қарши кортга чиқади.