Юлдузли жуфтлик жангларида реферилик қилган Гуидо Кавалери иштирокидаги семинар бошланди

Бироз аввал италиялик таниқли рефери Гуидо Кавальери иштирокида ана шу семинар ўз ишини бошлади. Семинарнинг тантанали очилиш маросимида Ўзбекистон профессионал бокс федерацияси раиси Умид Якубов, WBC Бошқарув кенгаши аъзоси, литвалик Оксана Семенишина иштирок этишди.    

Икки кун давом этадиган семинарга пойтахтимиздаги "Hilton" меҳмонхонаси мезбонлик қилмоқда. Семирнар якунида имтиҳондан муваффақиятли ўтган рефериларга WBC томонидан махсус сертификатлар топширилади. Ўзбекистондан жами 22 нафар рефери ушбу семинарда қатнашяпти. 

Оксана Семенишина (Литва) ҳақида маълумот:

- 1999 йилдан бери WВC билан ҳамкорлик қилади

- 2017 йилдан бери WВC Бошқарув кенгаши аъзоси

- WВCнинг МДҲ, Марказий Осиё, Шарқий Европадаги халқаро котиби

- WВC Silver чемпионлик қўмитаси аъзоси

- WВC халқаро чемпионатлар қўмитаси аъзоси

- WВC расмийлар қўмитаси аъзоси

- WВC Яқин Шарқ қўмитаси ҳамраиси 

- WВC аёллар рейтинг қўмитаси аъзоси 

- WВC Осиё бокс конфедерацияси бош маслаҳатчиси

- 2015 ва 2017 йилларда WВC йиллик мукофоти - "Йил аёли"ни қўлга киритган

- 2021 йилда йиллик WВC мукофотини олган - "Энг фойдали аъзо"

- 120 дан ортиқ WВC чемпионлик жангларини супервайзер сифатида бошқарган

Сўзлашадиган тиллари: инглиз, испан, литва, поляк, украин, рус