UZ

04 июл 21:06
Янгиликлар

Спорт курашлари

Юнон-рум курашчиларимиз Осиё чемпионатида 4 та медалга эга чиқишди

Бугун Қозоғистоннинг Нур-Султан шаҳрида спорт курашлари (юнон-рум, эркин ва аёллар кураши) бўйича кадетлар ўртасидаги Осиё чемпионати старт олди.

Ушбу қитъа чемпионатида Ўзбекистон терма жамоасининг истеъдодли курашчилари барча йўналиш ҳамда вазн тоифаларида иштирок этяпти. Бугун Осиё чемпионатида юнон-рум кураши вакиллари медаллар учун гиламга чиқишди.

Бугунги баҳсларда 4 нафар юнон-рум курашчимиз шохсупага кўтарилди. -60 кг вазн тоифасидаги ҳамюртимиз Амирбек Султонов барча рақибларини мағлубиятга учратиб, Осиё чемпионига айланди. У ҳал қилувчи финал беллашувида эронлик рақибини мағлуб этишнинг уддасидан чиқди. 

-55 кг вазнда ўз имкониятини синовдан ўтказган Аброр Атабоев финалга қадар мағлубиятсиз етиб бориб, кумуш медални қўлга киритди. -48 кг вазнда Қувончбек Тошназаров, -92 кг вазн тоифасида Жаҳонгир Ҳошимов бронза медалига сазовор бўлди. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг