Юртимизда теннис бўйича учта халқаро турнир бўлиб ўтди

Июль ойида Андижонда ўтказилган “ITF ANDIJAN Chempionships Grade-5” халқаро турнирига дунёнинг 11 мамлакатидан спортчилар ташриф буюрди.

Муросасиз ва қизиқарли тарзда кечган мусобақанинг яккалик баҳсларида ўғил болалар ўртасида финал ўйинида Бекзод Расаматов 6:4, 2:6 ва 6:1 ҳисобида Азизбек Дадабоевдан устун келди. Жуфтлик баҳсларида эса Азизбек Дадабоев ҳамда Равшан Қодировлар фахрли иккинчи ўринни эгаллади.

Қизлар ўртасида эса ҳамюртимиз Сетора Нормуродова қозоғистонлик Мария Синицинани 6:2, 4:6, 6:0 ҳисобида мағлуб этди. Жуфтлик баҳсларида эса Омина Валиханова ҳамда Сетора Нормуродова учинчи ўрин бўлди.

Навбатдаги турнир пойтахтимизда ўтди.“ITF Junior Tashkent Grade-5” 22-27 июль кунлари ўтган биринчиликда ўғил болалар ўртасида Ўзбекистон терма жамоаси аъзоси Азизбек Дадабоев ғолиб деб топилди. Қизлар ўртасидаги яккалик баҳсларида Сетора Нормуродова бўлди. Жуфтлик баҳсларининг финал ўйинида Фарида Маримова ҳамда Дарья Корнилова ғалаба қозонди.

“ITF Junior Tashkent Circuit Grade-3” турнири баҳслари 29 июль – 3 август кунлари бўлиб ўтди.

Ушбу турнирнинг ўғил болалар ўртасидаги жуфтлик баҳсларида Азизбек Дадабоев ва россиялик Иларион Данильченко жуфтлиги фахрли биринчи ўринни қўлга киритди. Яккалик баҳсларида Нуриддин Шагиев учинчи ўринга сазовор бўлди.

Қизлар ўртасида эса Республика олимпия захиралари теннис мактаби тарбияланувчиси Сетора Нормуродова совриндор бўлди.