Задар шаҳри мэрияси коронавирус бўйича расмий баёнот берди

"Барча турнир иштирокчилари ва унга алоқадор инсонлар эпидемиологга учрашишлари ва тест топширишлари шарт. Задар соғлиқни сақлаш институти қўшимча хизматларни бошлайди. Бизда барча эпидемиологик чора-тадбирлар қўлланилмоқда. Вирус тарқалишининг олдини олишдаги энг асосий талаб - бу ижтимоий масофани сақлаш. Ўзингизга бўлган талабни оширинг", - дейилади баёнотда.

Эслатиб ўтамиз, Задардаги турнир Новак Жокович томонидан ташкил этилган бўлиб, мусобақада қатнашган болгариялик теннисчи Григор Димитровда коронавирус аниқланганди. Григор турнир давомида деярли барча иштирокчилар, шу жумладан Жоковичнинг ўзи билан ҳам қўл бериб қучоқлашиб кўришган ва суратга тушган эди.