02 сен 16:28
Янгиликлар

Теннис

Замонамизнинг энг новча теннисчиси, эйс зарбалар қироли фаолиятини якунлади

Теглар : Жон Иснер

Америкалик теннисчи Жон Иснер 38 ёшида профессионал фаолиятини расман якунлади.

Иснер ўз ватанида ўтказилаётган US Open турнирининг жуфтлик мусобақасида ҳамюрти Жек Сок билан бирга америкалик Роберт Гэллоуэ ҳамда франциялик Альбано Оливеттига ютқазиб қўйди - 2/6, 6/3, 6/7(3).

Бу Жон учун фаолиятидаги сўнгги учрашув бўлиб қолди. Иснер Сок билан биргаликда учта "Мастерс" (Шанхай-2016, Индиан-Уэллс-2018, Индиан-Уэллс-2022) турнирларида бош совринни қўлга киритган. Жек ҳам АҚШ Очиқ чемпионатидан сўнг фаолиятини якунлайди. У ҳали US Open турнирининг аралаш жуфтлик баҳсларида кортга чиқиши керак. Сок 19 ёшли ҳамюрти Кори Гофф билан тандем ҳосил қилган.