26 дек 20:54
Янгиликлар

Гимнастика

Зангиотада оммавий бадантарбия машғулоти ўтказилди ФОТОГАЛЕРЕЯ

Тошкент вилояти Зангиота тумани жисмоний тарбия ва спорт бўлими болалар-ўсмирлар спорт мактаби билан хамкорликда Зангиота тумани худудида яшовчи 7 ёшдан 70 ёшгача бўлган аҳоли ўртасида эрталабки бадантарбия машғулотлари ўтказилди.

Унда оғир атлетика бўйича Зангиота тумани фахри Осиё чемпиони, жахон чемпионатининг кумуш ва бронза медаллари соҳиби, Ашхободда ўтган Ёпиқ иншоотлардаги Осиё ўйинлари ғолиби, 2010 йили Гуанжоуда бўлиб ўтган Осиё ўйинлари кумуш медали сохиби Иван Евремов ҳамда каратэ WKF спорт турида 9 карра Ўзбекистон чемпиони, Осиё чемпиони, 2010 йили Жанубий Кореянинг Инчеон шахрида бўлиб ўтган Осиё ўйинларининг бронза медали эгаси, уч карра марказий Осиё чемпиони Ғофур Зохидов иштирок этди.

Зангиота туманининг Эшонгузар, Туркистон, Ўрта овул ва Зангиота МФЙ худудларида ўтказилган эрталабки бадантарбия машғулотларида жами 1000 нафардан зиёд нуронийлар ва ўғил-қизлар жам бўлишди.