Зангиотадаги ҳарбий қисмда спорт беллашувлари ўтказилди + ФОТО

Ўзбекистон Республикаси Жисмоний тарбия ва спорт вазирлиги, Тошкент вилояти ҳокимлиги, вилоят жисмоний тарбия ва спорт бошқармаси ҳамда ҳарбий қисм   ҳамкорлигида ташкил этилган мазкур мусобақаларда ҳарбий хизматчилар ўзаро куч синашишди. 

Муросасиз ва шу билан бирга байрамона руҳда ўтган баҳслар якунида юқори натижаларга эришган ҳарбийлар Тошкент вилояти ҳокимлиги томонидан диплом, медаль ва қимматбаҳо совғалар билан мукофотланишди. 

Шунингдек, шу куни ушбу ҳарбий қисмда Ўзбекистон Республикаси Қуролли Кучлари ташкил этилганлигининг 28 йиллиги олдидан  вилоят жисмоний тарбия ва спорт бошқармаси Ўзбекистон Баҳодирлар ўйини ва тош кўтариш федерацияси билан ҳамкорликда автотранспорт воситаси (автобус)ни тортиш ва тош кўтариш бўйича харбий хизматчилар ўртасида ўзига хос беллашув ҳам бўлиб ўтди. 

Паҳловонликда ўзини синаб кўрган ҳарбий йигитлар шартларни бажаришда тажрибали спортчилардан қолишмаслигини исботлаб, йиғилганлар эътирофига сазовор бўлишди. Энг кучли, деб топилган ҳарбийлар ташкилотчилар томонидан эсдалик совғалари билан мукофотланишди.

Илҳом РАҲМОНОВ тайёрлади