17 июн 08:02
Янгиликлар

Бокс/ММА

Заррух Адашев UFCдаги дебют жанги учун қанча гонорар олди?

Хабарингиз бор, бизнинг вақт билан якшанба тонгида АҚШнинг Лас-Вегас шаҳрида UFC турнири ўтказилганди.

Биз учун аҳамиятлиси, UFC Вегас 2 турнири доирасида ҳамюртимиз Заррух Адашев ушбу промоушендаги дебют жангини ўтказган эди. Америкалик Тайсон Нэмга қарши октагонга кўтарилган Заррух биринчи раунднинг ўзида нокаутга учраганди.

Ташкилотчилар турнир иштирокчиларининг кафолатланган гонорарларини эълон қилди. Заррух Адашев дебют жангидан 14 000 доллар ишлаб олган. Лекин вазн қила олмагани учун гонорарнинг 20 фоизидан маҳрум бўлди. Тайсон Нэм эса 28 000 доллар ҳамда чиройли ғалабаси учун яна қўшимча 50 000 доллар бонусга ҳам эга бўлди.