12 сен 07:47
Янгиликлар

Бокс/ММА

Зубайра Тухугов UFC 253 турнирида октагонга чиқиш учун Абу-Дабига йўл олди + ФОТО

27 сентябрь куни Абу-Дабидаги "Жанглар ороли"да навбатдаги UFC турнири бўлиб ўтади.

UFC 253 турнирининг андеркард жанги иштирокчиси ҳисобланган россиялик Зубайра Тухугов ўз жамоаси билан бирга БАА пойтахтига жўнаб кетди. Доғистонлик жангчининг рақиби Хаким Давуди бўлади. Зубайра машғулотларнинг якуний қисмини айнан жанг манзилида ўтказади.

"Оғаларим мени 27 сентябрь куни Абу-Дабининг "Жанглар ороли"да ўтказиладиган UFC 253 турнирига кузатиб қўйишди", — дея Инстаграм саҳифасида сурат ва унинг остида изоҳ қолдирган Тухугов.

Маълумот учун, Давудига қарши баҳс Зубайра учун UFCдаги еттинчи жанг бўлади. Унинг ҳисобида 4 ғалаба, бир мағлубият ва бор дуранг бор. UFC 253 турнирининг марказий жанги UFC чемпиони Исраэль Адесанья ҳамда даъвогар Пауло Коста ўртасида бўлиб ўтади.