29 ноя 09:29
Янгиликлар

Бокс/ММА

Зубайра Тухуговнинг навбатдаги жанг санаси маълум

Россиялик ярим енгил вазн тоифасида таниқли UFC жангчиси Зубайра Тухугов ҳамюрти Ислам Махачев билан бир оқшомда октагонга кўтарилади.

Зубайра 26 февраль кунги UFC турнирида ўзининг навбатдаги жангини ўтказади. Оқшомнинг марказий жанги енгил вазн тоифаси рейтингининг учинчи ва тўртинчи поғоналаридан жой олган Бенеил Дариуш ҳамда Ислам Махачев ўртасида бўлиб ўтади.

Эслатиб ўтамиз, 30 ёшли Зубайра Тухугов ўтган ой Абу-Даби шаҳрида ўтган UFC 267 турнирида Рикардо Рамосни очколар ҳисобига кўра мағлуб этганди.