Зубайра учинчи раундда қочиб юрганига изоҳ берди

“Барчага салом. Афсуски, фаолиятимдаги энг ёмон жангимни ўтказдим. Бундай жамоа билан мағлуб бўлишга ҳаққим йўқ эди, барчани хафа қилдим. Нега қочиб юрдим? Чунки дастлабки икки раундни ўз ҳисобимга ёзиб қўйдим деб ўйлагандим ва шу сабабли ҳам учинчи раундда таваккал қилмадим. Бўлар иш бўлди, энди янада кучлироқ бўлиб қайтишим керак. Мени қийин вақтда қўллаб турганларнинг барчасидан миннатдорман”, - деди Зубайра.

Эслатиб ўтамиз, UFC 253 кечасида Зубайра Ҳакимга очколар ҳисобига кўра имкониятни бой бериб қўйди.