Tarixda uchinchi marotaba Osiyo jamoasi klublar o'rtasidagi JCH finaliga chiqdi

Dastlabki yarim finalda “Al Hilol” 3:2 hisobida “Flamengo”dan ustun kelib, musobaqaning hal qiluvchi bahsiga yo'l oldi. Tarixda uchinchi marotaba Osiyo klubi mundial finaliga chiqdi. Avvalroq, bunday natijaga “Al Ayn” (2018) hamda “Kashima Antlers” (2016) erishgan. BAA klubi “Real”ga 2:4 hisobida, yaponiyaliklar esa qo'shimcha bo'limlarda madridliklarga 2:4 hisobida mag'lub bo'lishgan.

Eslatib o'tamiz, “Al Hilol”ning finaldagi raqibi “Real” yoki “Al Ahli” bo'ladi. Ular o'rtasidagi uchrashuv bugun, 8 fevral kuni 23:59 da start oladi.