11 avg 18:36
Yangiliklar

Qishki sport turlari

"Humo" "Gubernator Kubogi"da "Dinamo Minsk"ni yirik hisobda engdi va 3-o'rinni egalladi

Bugun Rossiyaning Nijniy-Novgorod shahrida Nijegorod viloyati “Gubernatori kubogi” uchun o'tkazilgan xalqaro turnir yakunlandi.

Ushbu musobaqada yurtimiz sharafini Toshkentning "Humo" xokkey klubi himoya qildi. Jamoamiz turnirda ikki g'alaba va shuncha mag'lubiyat qayd etdi.

Bugun uchinchi o'rin uchun kechgan uchrashuvda xokkeychilarimiz Belarusning "Dinamo" klubiga qarshi muzga chiqib, yirik 5:1 hisobida zafar quchishdi. Bu bilan guruh bosqichidagi 3:6 hisobidagi mag'lubiyat uchun revansh ham olindi.

Eslatib o'tamiz, “Humo” avvaliga Minskning “Dinamo” klubiga 3:6 hisobida imkoniyatni boy berdi. Keyin esa mezbonlarning “Torpedo” klubi 3:0 hisobida mag'lub etildi. Uchinchi turda esa Moskvaning nomdor “Dinamo” klubi "Humo"dan 4:1 hisobida ustun kelgan edi.