Jahon chempionatida muvaffaqiyatli qatnashgan qo'l jangi ustalari taqdirlanishdi

Unda muvaffaqiyatli ishtirok etgan O'zbekiston terma jamoasi azolari 8 ta oltin, 3 ta kumush va 3 ta bronza medallarini qo'lga kiritishdi. 

SHuningdek, 3-8 iyun kunlari Greciyaning Lutraki shahrida tashkil etilgan Butunjahon sport o'yinlari dasturidagi qo'l jangi bellashuvlarida atletlarimiz 13 ta oltin, 3 ta kumush va 1 ta bronza medallarini jamg'arishdi. Har ikki musobaqada yurtdoshlarimiz umumjamoa hisobida birinchi o'rinni egalladilar.

Sport vazirligida ushbu turnirlarda muvaffaqiyatli qatnashgan sportchi va murabbiylarni taqdirlash marosimi o'tkazildi. Unda sportchilarimiz xizmat qiladigan harbiy tashkilotlar, qolaversa, Sport vazirligi va Milliy Olimpiya qo'mitasi, mamlakat qo'l jangi federaciyasi rahbariyati ishtirok etdi.

Rasmiylar hamyurtlarimiz erishgan mazkur ulkan muvaffaqiyat bilan qutlab, ularning kelgusi faoliyatida yanada katta sovrinlarga ega bo'lishlarini tilashdi. Sportchi va murabbiylarga erishgan natijalariga qarab muddatidan avval harbiy unvon, ko'krak nishonlari va esdalik sovg'alari tantanali topshirildi.